Shopping cart
Your cart empty!
ಇಂಡಿಯನ್ ಪ್ರೀಮಿಯರ್ ಲೀಗ್ 2026ರಲ್ಲಿ (IPL 2026) ನಡೆದ RCB vs CSK ಪಂದ್ಯವು ಈಗ ಮೈದಾನದ ಹೊರಗೆಯೂ ದೊಡ್ಡ ವಿವಾದಕ್ಕೆ ಕಾರಣವಾಗಿದೆ. ಏಪ್ರಿಲ್ 5ರಂದು ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ 43 ರನ್ಗಳ ಅಂತರದಿಂದ ಸೋತಿತ್ತು. ಆದರೆ ಪಂದ್ಯದ ವೇಳೆ ಸ್ಟೇಡಿಯಂನಲ್ಲಿ “ದೋಸೆ, ಇಡ್ಲಿ, ಸಾಂಬಾರ್, ಚಟ್ನಿ” ಎಂಬ ಹಾಡು ನಿರಂತರವಾಗಿ ಪ್ಲೇ ಆಗಿದ್ದು, ಡಿಜೆ ನೀಡಿದ ಕೆಲ ಕಾಮೆಂಟ್ಗಳು ಸಿಎಸ್ಕೆ ತಂಡದ ಅಸಮಾಧಾನಕ್ಕೆ ಕಾರಣವಾಗಿವೆ. ಈ ಕುರಿತು ಸಿಎಸ್ಕೆ ಫ್ರಾಂಚೈಸಿ ಬಿಸಿಸಿಐಗೆ ಅಧಿಕೃತವಾಗಿ ಪತ್ರ ಬರೆದು ತನಿಖೆಗೆ ಮನವಿ ಮಾಡಿದೆ.
ಈ ಹಾಡನ್ನು ಗಾನ ಅಪ್ಪು ರಚಿಸಿದ್ದು, ಸಾಮಾನ್ಯವಾಗಿ RCB–CSK ಪಂದ್ಯಗಳ ಸಂದರ್ಭದಲ್ಲಿ ಕೇಳಿಬರುವ ಅಭಿಮಾನಿ ಹಾಡಾಗಿದೆ. ಆದರೆ ಈ ಬಾರಿ RCB ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ಜಿತೇಶ್ ಶರ್ಮಾ ಅವರು ಅದೇ ಹಾಡನ್ನು ಹಾಡುತ್ತಿರುವ ವಿಡಿಯೋ ಹಂಚಿಕೊಂಡಿದ್ದು, ಅದು ವೈರಲ್ ಆಗಿ ವಿವಾದಕ್ಕೆ ತಿರುಗಿದೆ. ನಂತರ ಸಿಎಸ್ಕೆ ಅಭಿಮಾನಿಗಳಿಂದ ಆರ್ಸಿಬಿಗೆ ತೀವ್ರ ಪ್ರತಿಕ್ರಿಯೆಯೂ ವ್ಯಕ್ತವಾಗಿದೆ.
ಇದೇ ನಡುವೆ ಸಿಎಸ್ಕೆ ಟೀಮ್ ಮ್ಯಾನೇಜ್ಮೆಂಟ್ ಎದುರಾಳಿ ತಂಡಗಳ ಬಗ್ಗೆ ಯಾವುದೇ ಅವಹೇಳನಾತ್ಮಕ ಹೇಳಿಕೆಗಳನ್ನು ಮಾಡಬಾರದು ಎಂದು ಹಿಂದೆಯೇ ಸೂಚನೆ ನೀಡಿದ್ದರೂ, ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆದ ಘಟನೆಗಳು ಆ ಮಾರ್ಗದರ್ಶನಕ್ಕೆ ವಿರುದ್ಧವಾಗಿವೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ. ಸಿಎಸ್ಕೆ ಸಿಇಒ ಕಾಶಿ ವಿಶ್ವನಾಥನ್ ಅವರು ಡಿಜೆ ಕಾಮೆಂಟ್ಗಳ ಮೇಲೂ ಅಸಮಾಧಾನ ವ್ಯಕ್ತಪಡಿಸಿ, ಬಿಸಿಸಿಐಗೆ ಕ್ರಮ ಕೈಗೊಳ್ಳುವಂತೆ ಮನವಿ ಮಾಡಿದ್ದಾರೆ.
ಇದಕ್ಕೆ ಪ್ರತಿಕ್ರಿಯಿಸಿದ ಐಪಿಎಲ್ ಆಡಳಿತಾಧಿಕಾರಿಗಳು, ಸಿಎಸ್ಕೆ ನೀಡಿದ ದೂರು ಸ್ವೀಕರಿಸಲಾಗಿದ್ದು, ಐಪಿಎಲ್ ಗವರ್ನಿಂಗ್ ಕೌನ್ಸಿಲ್ ಈ ವಿಷಯವನ್ನು ಪರಿಶೀಲಿಸುತ್ತಿದೆ ಎಂದು ತಿಳಿಸಿದ್ದಾರೆ. ಈ ಘಟನೆ ಇದೀಗ RCB–CSK rivalryಗೆ ಮತ್ತೊಂದು ಹೊಸ ಚರ್ಚೆಯನ್ನು ಸೇರಿಸಿದೆ.
ಪ್ರಕಟಿಸಿದವರು ಬಿಗ್ ನ್ಯೂಸ್ 24/7 ಕನ್ನಡ ದಿನಾಂಕ 2026-04-16 11:46:06
