ಆರ್‌ಸಿಬಿಗೆ ಹೊಸ ಹೋಮ್ ಟೆಸ್ಟ್

Royal Challengers Bengaluru ಈ ಬಾರಿ ಐಪಿಎಲ್‌ನಲ್ಲಿ ತನ್ನ ಎರಡನೇ ತವರಾದ ರಾಯ್ಪುರದ ಶಹೀದ್ ವೀರ್ ನಾರಾಯಣ್ ಸಿಂಗ್ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಮೊದಲ ಪಂದ್ಯವನ್ನಾಡಲು ಸಜ್ಜಾಗಿದೆ. ಭಾನುವಾರ (ಮೇ 10) ನಡೆಯುವ ಈ ಪಂದ್ಯದಲ್ಲಿ ತಂಡವು Mumbai Indians ವಿರುದ್ಧ ಕಣಕ್ಕಿಳಿಯಲಿದೆ.

ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆದ ಮೊದಲ ಮುಖಾಮುಖಿಯಲ್ಲಿ ಆರ್‌ಸಿಬಿ ಗೆಲುವು ಸಾಧಿಸಿದ್ದರಿಂದ ಈ ಪಂದ್ಯದಲ್ಲಿ ಮುಂಬೈ ಸೇಡು ತೀರಿಸಿಕೊಳ್ಳುವ ಕಾತರದಲ್ಲಿದೆ. ಸತತ ಸೋಲಿನಿಂದ ಚೇತರಿಸಿಕೊಂಡಿರುವ ಮುಂಬೈ, ತನ್ನ ಹಿರಿಯ ಆಟಗಾರ Rohit Sharma ಅವರ ಅದ್ಭುತ ಫಾರ್ಮ್‌ನೊಂದಿಗೆ ಮತ್ತೆ ಬಲಿಷ್ಠವಾಗಿ ಮರಳಿದೆ. ಇತ್ತೀಚೆಗೆ ಅವರು 44 ಎಸೆತಗಳಲ್ಲಿ 84 ರನ್ ಸಿಡಿಸಿ ಗಮನ ಸೆಳೆದಿದ್ದಾರೆ. ಜೊತೆಗೆ Hardik Pandya ನಾಯಕತ್ವದೊಂದಿಗೆ ತಂಡದ ಶಕ್ತಿ ಮತ್ತಷ್ಟು ಹೆಚ್ಚಾಗಿದೆ.

ಇನ್ನೊಂದೆಡೆ, ಆರಂಭಿಕ ಹಂತದಲ್ಲಿ ಭರ್ಜರಿ ಪ್ರದರ್ಶನ ನೀಡಿದ್ದ ಆರ್‌ಸಿಬಿ ಇದೀಗ ಸತತ ಸೋಲಿನಿಂದ ಕಂಗೆಟ್ಟಿದೆ. ಜಿತೇಶ್ ಶರ್ಮಾ ಅವರ ಬ್ಯಾಟ್ ಇನ್ನೂ ಮೌನವಾಗಿದ್ದು, ರೊಮಾರಿಯೊ ಶೆಫರ್ಡ್ ನಿರೀಕ್ಷಿತ ಪ್ರದರ್ಶನ ನೀಡಿಲ್ಲ. ಫಿಲ್ ಸಾಲ್ಟ್ ಗಾಯದಿಂದ ಹೊರಗುಳಿದಿರುವುದು ತಂಡಕ್ಕೆ ದೊಡ್ಡ ಹೊಡೆತವಾಗಿದೆ. ಬೆಥಲ್ ಕೂಡ ಸಿಕ್ಕ ಅವಕಾಶವನ್ನು ಬಳಸಿಕೊಳ್ಳಲು ವಿಫಲರಾಗಿದ್ದಾರೆ.

ಈ ಎಲ್ಲಾ ಅಂಶಗಳ ನಡುವೆ ರಾಯ್ಪುರದ ಈ ಹೈವೋಲ್ಟೇಜ್ ಪಂದ್ಯ, ಆರ್‌ಸಿಬಿಗೆ ಗೆಲುವಿನ ಹಳಿಗೆ ಮರಳುವ ಅವಕಾಶವೋ ಅಥವಾ ಮುಂಬೈಗೆ ಸೇಡು ತೀರಿಸುವ ವೇದಿಕೆಯಾಗುವುದೋ ಎಂಬ ಕುತೂಹಲ ಹೆಚ್ಚಿಸಿದೆ.

ಪ್ರಕಟಿಸಿದವರು ಬಿಗ್ ನ್ಯೂಸ್ 24/7 ಕನ್ನಡ ದಿನಾಂಕ 2026-05-09 15:19:09