Shopping cart
Your cart empty!
ಪ್ರಭಾಸ್ (Prabhas) ಭಾರತೀಯ ಚಿತ್ರರಂಗದ ಅತಿದೊಡ್ಡ ಪ್ಯಾನ್ ಇಂಡಿಯಾ ಸ್ಟಾರ್ಗಳಲ್ಲಿ ಒಬ್ಬರು. ‘ಬಾಹುಬಲಿ’ ಹಾಗೂ ‘ಬಾಹುಬಲಿ 2’ ಸಿನಿಮಾಗಳ ನಂತರ ಅವರ ಖ್ಯಾತಿ ಮತ್ತು ಜನಪ್ರಿಯತೆ ಹಲವಾರು ಪಟ್ಟು ಹೆಚ್ಚಾಯಿತು. ಆದರೆ ಈ ಭಾರೀ ಕ್ರೇಜ್ ‘ಬಾಹುಬಲಿ’ಗೂ ಮುಂಚೆಯೇ ಇತ್ತು ಎಂಬುದನ್ನು ಕರಣ್ ಜೋಹರ್ ಒಮ್ಮೆ ತಮ್ಮ ಸಂದರ್ಶನದಲ್ಲಿ ಹಂಚಿಕೊಂಡಿದ್ದರು.
‘ಬಾಹುಬಲಿ’ ಚಿತ್ರವನ್ನು ಕರಣ್ ಜೋಹರ್ ವಿತರಣೆ ಮಾಡಿದ್ದು, ಅದು ಅವರ ಮತ್ತು ಪ್ರಭಾಸ್ ಅವರ ಮೊದಲ ಸಹಕಾರವಾಗಿತ್ತು. ಚಿತ್ರದ ಪ್ರಚಾರಕ್ಕಾಗಿ ಪ್ರಭಾಸ್ ಮುಂಬೈಗೆ ಬಂದಾಗ, ಕರಣ್ ಜೋಹರ್ ಕಚೇರಿಯಲ್ಲಿ ಸಂಭವಿಸಿದ ಘಟನೆ ಅವರಿಗೂ ಅಚ್ಚರಿಯನ್ನೇ ತಂದಿತ್ತು.
ಕರಣ್ ಹೇಳುವಂತೆ, “ನನ್ನ ಕಚೇರಿಗೆ ಪ್ರತಿದಿನ ಸ್ಟಾರ್ಗಳು ಬರುತ್ತಾರೆ. ಆದರೆ ಪ್ರಭಾಸ್ ಬಂದ ದಿನ ಪರಿಸ್ಥಿತಿ ಸಂಪೂರ್ಣವಾಗಿ ಬದಲಾಗಿತ್ತು. ಕಚೇರಿಯ ಒಳಗೂ ಹೊರಗೂ ಜನಸಮೂಹ ತುಂಬಿ ಹೋಗಿತ್ತು. ಲಾಬಿಯಲ್ಲಿ 500ಕ್ಕೂ ಹೆಚ್ಚು ಜನರು ಇದ್ದರು. ಹೊರಗಡೆ ಇನ್ನೂ ಹೆಚ್ಚು ಜನ ‘ಪ್ರಭಾಸ್… ಪ್ರಭಾಸ್’ ಎಂದು ಕೂಗುತ್ತಿದ್ದರು. ಅದು ನಿಜಕ್ಕೂ ಅಚ್ಚರಿಯ ಅನುಭವವಾಗಿತ್ತು,” ಎಂದು ಅವರು ಹೇಳಿದ್ದಾರೆ.
ಈ ಘಟನೆಯೇ ತಮಗೆ ಪ್ರಭಾಸ್ ಅವರ ನಿಜವಾದ ಕ್ರೇಜ್ ಮತ್ತು ಉತ್ತರ ಭಾರತದಲ್ಲಿ ಅವರ ಸಿನಿಮಾಗಳಿಗೆ ಇರುವ ಭಾರೀ ಮಾರುಕಟ್ಟೆ ಬಗ್ಗೆ ಅರಿವು ನೀಡಿತು ಎಂದು ಕರಣ್ ತಿಳಿಸಿದ್ದಾರೆ.
‘ಬಾಹುಬಲಿ’ಗೂ ಮುಂಚೆಯೇ ಪ್ರಭಾಸ್ ಅವರ ತೆಲುಗು ಸಿನಿಮಾಗಳು ಹಿಂದಿಗೆ ಡಬ್ ಆಗಿ ಟಿವಿಯಲ್ಲಿ ಪ್ರಸಾರವಾಗುತ್ತಿದ್ದು, ಅದರಿಂದಲೇ ಉತ್ತರ ಭಾರತದ ಪ್ರೇಕ್ಷಕರು ಅವರ ಅಭಿಮಾನಿಗಳಾಗಿದ್ದರು. ‘ಬಾಹುಬಲಿ’ ಬಳಿಕ ಅವರ ಸ್ಟಾರ್ ಡಮ್ ಮತ್ತೊಂದು ಮಟ್ಟಕ್ಕೆ ಏರಿತು.
ಪ್ರಸ್ತುತ ಪ್ರಭಾಸ್ ಹಲವು ದೊಡ್ಡ ಪ್ರಾಜೆಕ್ಟ್ಗಳಲ್ಲಿ ಬ್ಯುಸಿಯಾಗಿದ್ದಾರೆ. ಸಂದೀಪ್ ರೆಡ್ಡಿ ವಂಗಾ ನಿರ್ದೇಶನದ ‘ಸ್ಪಿರಿಟ್’, ರಘು ಹನುಪುಡಿ ನಿರ್ದೇಶನದ ‘ಫೌಜಿ’, ‘ಕಲ್ಕಿ 2898 ಎಡಿ’ ಭಾಗ 2 ಹಾಗೂ ‘ಸಲಾರ್ 2’ ಸೇರಿದಂತೆ ಬೃಹತ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.
ಪ್ರಕಟಿಸಿದವರು ಬಿಗ್ ನ್ಯೂಸ್ 24/7 ಕನ್ನಡ ದಿನಾಂಕ 2026-04-30 13:54:46
