Shopping cart
Your cart empty!
ಬೆಂಗಳೂರು: ಕ್ರಿಪ್ಟೊ ಹೂಡಿಕೆ ವೇದಿಕೆ CoinSwitch ಬಿಡುಗಡೆ ಮಾಡಿದ Q1 2026ರ ವರದಿ “ಇಂಡಿಯಾಸ್ ಕ್ರಿಪ್ಟೊ ಪೋರ್ಟ್ಫೋಲಿಯೊ; ಹೌ ಇಂಡಿಯಾ ಇನ್ವೆಸ್ಟ್ಸ್” ದೇಶದ 2.5 ಕೋಟಿಗೂ ಹೆಚ್ಚು ಹೂಡಿಕೆದಾರರ ನಡೆ-ನುಡಿಗಳ ಸ್ಪಷ್ಟ ಚಿತ್ರಣ ನೀಡಿದೆ. ಭಾರತದಲ್ಲಿ ಕ್ರಿಪ್ಟೊ ಮಾರುಕಟ್ಟೆ ಆರಂಭಿಕ ಹಂತದಿಂದ ಪ್ರಬುದ್ಧ ಹಂತದತ್ತ ಸಾಗುತ್ತಿದ್ದು, 26-35 ವಯಸ್ಸಿನವರು ಶೇ.48ರಷ್ಟು ಪಾಲ್ಗೊಳ್ಳುತ್ತಿದ್ದರೆ 35+ ವರ್ಗವೇ ವೇಗವಾಗಿ ಬೆಳೆಯುತ್ತಿರುವ ಹೂಡಿಕೆದಾರ ಸಮೂಹವಾಗಿದೆ. ಯುವಕರು ಪ್ರಯೋಗಾತ್ಮಕವಾಗಿ ಪ್ರವೇಶಿಸುತ್ತಿದ್ದರೆ, ಜೆನ್ ಎಕ್ಸ್ ಮತ್ತು ಹಿರಿಯ ಮಿಲೆನಿಯಲ್ಸ್ ದೀರ್ಘಾವಧಿ ಮೌಲ್ಯ ಸ್ಪಷ್ಟವಾದ ನಂತರ ಹೂಡಿಕೆ ಮಾಡುತ್ತಿರುವುದು ಮಾರುಕಟ್ಟೆಯ ಪರಿಪಕ್ವತೆಯನ್ನು ತೋರಿಸುತ್ತದೆ.
ಭೌಗೋಳಿಕವಾಗಿ ಉತ್ತರ ಪ್ರದೇಶ ಮತ್ತು ಮಹಾರಾಷ್ಟ್ರ ಮುಂಚೂಣಿಯಲ್ಲಿದ್ದು, ಕರ್ನಾಟಕವು ಬ್ಲೂ-ಚಿಪ್ ಸಂಪತ್ತುಗಳ ಮೇಲೆ ಶೇ.32ರಷ್ಟು ಪೋರ್ಟ್ಫೋಲಿಯೊ ವಿತರಣೆ ಮೂಲಕ ವಿಶ್ವಾಸ ತೋರಿಸಿದೆ. Bitcoin (ಶೇ.9.2) ಪ್ರಮುಖ ಹಿಡುವಳಿಯಾಗಿದ್ದು, ಡೋಜ್ಕಾಯಿನ್ ಮತ್ತು ಶಿಬಾ ಇನುಂತಹ ಮೀಮ್ ಕಾಯಿನ್ಗಳೂ ಗಮನ ಸೆಳೆದಿವೆ. ಹೆಚ್ಚು ವಹಿವಾಟು ರಾತ್ರಿ 10-11ರ ನಡುವೆ ನಡೆಯುತ್ತಿದ್ದು, ಹೂಡಿಕೆದಾರರು ಯೋಜಿತ ದೀರ್ಘಾವಧಿ ತಂತ್ರಗಳತ್ತ ತಿರುಗುತ್ತಿರುವುದು ಸ್ಪಷ್ಟ—ಶೇ.61.3ರಷ್ಟು ಮಂದಿ ಒಂದು ವರ್ಷಕ್ಕಿಂತ ಹೆಚ್ಚು ಕಾಲ ಹೂಡಿಕೆ ಉಳಿಸಿಕೊಂಡಿದ್ದಾರೆ.
ಪ್ರಕಟಿಸಿದವರು ಬಿಗ್ ನ್ಯೂಸ್ 24/7 ಕನ್ನಡ ದಿನಾಂಕ 2026-04-22 10:15:11
