ತಾಂಡವ್ ತನ್ನ ಜೊತೆಗಿಲ್ಲ ಎಂಬ ಕಾರಣಕ್ಕೆ ಶ್ರೇಷ್ಠಾ ಭಾಗ್ಯಳನ್ನು ಕೊಲ್ಲಲು ಸಂಚು ರೂಪಿಸಿದ್ದಾಳೆ

ಭಾಗ್ಯ ಯಾರ ಜೊತೆ ಬದುಕುತ್ತಾಳೆ ಎನ್ನುವುದು ಪ್ರೇಕ್ಷಕರಲ್ಲಿ ದೊಡ್ಡ ಪ್ರಶ್ನೆಯಾಗಿದೆ. ಒಂದೆಡೆ ಆದಿ ಮೇಲಿನ ಪ್ರೀತಿ, ಮತ್ತೊಂದೆಡೆ ತಾಂಡವ್ ಜೊತೆಗಿನ ಸಂಕೀರ್ಣ ಸಂಬಂಧ – ಈ ನಡುವೆ ಶ್ರೇಷ್ಠಾ ಕುತಂತ್ರ ಕಥೆಗೆ ಮತ್ತಷ್ಟು ತೀವ್ರತೆ ತಂದಿದೆ.

ತಾಂಡವ್ ತನ್ನ ಜೊತೆಗಿಲ್ಲ ಎಂಬ ಕಾರಣಕ್ಕೆ ಶ್ರೇಷ್ಠಾ ಭಾಗ್ಯಳನ್ನು ಕೊಲ್ಲಲು ಸಂಚು ರೂಪಿಸಿದ್ದಾಳೆ. ಲಾರಿಯೊಂದು ಭಾಗ್ಯಳಿಗೆ ಗುದ್ದುವಂತೆ ಪ್ಲಾನ್ ಮಾಡಲಾಗುತ್ತದೆ. ಆದರೆ ಅದೇ ಸಮಯದಲ್ಲಿ ಆದಿ ಆಗಮಿಸಿ ಭಾಗ್ಯಳನ್ನು ರಕ್ಷಿಸುತ್ತಾನೆ. ಇದರಿಂದ ಕಥೆಯಲ್ಲಿ ಭಾರೀ ಡ್ರಾಮಾ ಸೃಷ್ಟಿಯಾಗಿದೆ.

ಇದರ ನಡುವೆ ಈ ಅಪಘಾತದ ಹಿಂದೆ ತಾಂಡವ್ ಕೈವಾಡ ಇದೆ ಎಂದು ಆದಿ ಅನುಮಾನ ಪಡುತ್ತಾನೆ. ಈ ವಿಚಾರದಲ್ಲಿ ಆದಿ ತಾಂಡವ್ ಮೇಲೆ ತೀವ್ರ ಆಕ್ರೋಶ ವ್ಯಕ್ತಪಡಿಸಿ, ಅವನ ಕೆನ್ನೆಗೆ ಬಾರಿಸುತ್ತಾನೆ. ಶ್ರೇಷ್ಠಾ ಜೊತೆ ಸೇರಿ ಭಾಗ್ಯಳನ್ನು ಕೊಲ್ಲಲು ಸಂಚು ರೂಪಿಸಿದ್ದೀಯಾ ಎಂದು ಆದಿ ಪ್ರಶ್ನಿಸುತ್ತಾನೆ.

ಇನ್ನೊಂದೆಡೆ ತಾಂಡವ್ ಮನಸ್ಸಿನಲ್ಲಿ ಭಾರೀ ಪಶ್ಚಾತ್ತಾಪ ಇದೆ. ಸೂರ್ಯವಂಶಿ ಮನೆಯನ್ನು ಭಾಗ್ಯ ಹೆಸರಿಗೆ ಬರೆದು ತನ್ನ ತಪ್ಪಿಗೆ ಪ್ರಾಯಶ್ಚಿತ್ತ ಮಾಡಲು ಯತ್ನಿಸಿದ್ದಾನೆ. ಮಗಳ ನಂಬಿಕೆಯನ್ನು ಉಳಿಸಿಕೊಳ್ಳಬೇಕು, ತನ್ನ ತಪ್ಪಿಗೆ ಕ್ಷಮೆ ಕೇಳಬೇಕು ಎಂಬ ಭಾವನೆ ಅವನನ್ನು ಕಾಡುತ್ತಿದೆ. ಆದರೂ ಕುಟುಂಬದ ಹಲವರಿಗೆ ಅವನ ಮೇಲೆ ಇನ್ನೂ ನಂಬಿಕೆ ಇಲ್ಲ.

ಈ ಎಲ್ಲಾ ಗೊಂದಲಗಳ ಮಧ್ಯೆ ಭಾಗ್ಯ ಕೂಡ ಆಘಾತಕ್ಕೊಳಗಾಗಿದ್ದಾಳೆ. ಆದಿ ಮತ್ತು ತಾಂಡವ್ ನಡುವೆ ಏನು ನಡೆಯುತ್ತಿದೆ ಎಂಬುದು ಅವಳಿಗೆ ಸ್ಪಷ್ಟವಾಗಿಲ್ಲ. ಈಗಾಗಲೇ ಆದಿ ಮೇಲಿನ ಪ್ರೀತಿ ಬಗ್ಗೆ ಭಾಗ್ಯ ತನ್ನ ಮನಸ್ಸನ್ನು ವ್ಯಕ್ತಪಡಿಸಿದ್ದಾಳೆ. ಆದರೆ ಶ್ರೇಷ್ಠಾ ಕುತಂತ್ರ ಹಾಗೂ ತಾಂಡವ್ ಕುರಿತು ಬಂದಿರುವ ಅನುಮಾನಗಳು ಕಥೆಗೆ ಮತ್ತೊಂದು ದೊಡ್ಡ ತಿರುವು ಕೊಡಲಿವೆ.

ಇದರ ನಡುವೆ ಜ್ಯೋತಿಷಿಯೊಬ್ಬರು ಹೇಳಿದ ಭವಿಷ್ಯವೂ ಕಥೆಯಲ್ಲಿ ಹೊಸ ಕುತೂಹಲ ಮೂಡಿಸಿದೆ. ಮುಂದಿನ ಸಂಚಿಕೆಗಳಲ್ಲಿ ತಾಂಡವ್ ನಿಜವಾಗಿಯೂ ಶ್ರೇಷ್ಠಾಗೆ ಸಹಾಯ ಮಾಡಿದ್ದಾನಾ ಅಥವಾ ಇದು ಕೇವಲ ಆದಿಯ ತಪ್ಪು ಅರ್ಥೈಸುವಿಕೆಯಾ ಎಂಬುದು ತಿಳಿಯಲಿದೆ. ಪ್ರೇಕ್ಷಕರು ಈಗ ಭಾಗ್ಯ ಜೀವನದ ಮುಂದಿನ ನಿರ್ಧಾರ ಏನಾಗುತ್ತದೆ ಎಂಬುದನ್ನು ಕಾತುರದಿಂದ ಕಾಯುತ್ತಿದ್ದಾರೆ.

ಪ್ರಕಟಿಸಿದವರು ಬಿಗ್ ನ್ಯೂಸ್ 24/7 ಕನ್ನಡ ದಿನಾಂಕ 2026-03-05 12:14:42