Shopping cart
Your cart empty!
ಪಾಕಿಸ್ತಾನ ಸೂಪರ್ ಲೀಗ್ 2026ರಲ್ಲಿ ಬಾಬರ್ ಆಝಮ್ ಭರ್ಜರಿ ಶತಕ ಸಿಡಿಸಿ ಮಿಂಚಿದ್ದಾರೆ. ಪೇಶಾವರ್ ಝಲ್ಮಿ ಪರ ಇಸ್ಲಾಮಾಬಾದ್ ಯುನೈಟೆಡ್ ವಿರುದ್ಧ 59 ಎಸೆತಗಳಲ್ಲಿ 103 ರನ್ ಬಾರಿಸಿದ ಅವರು, ತಂಡವನ್ನು 221 ರನ್ಗಳ ಭಾರೀ ಮೊತ್ತಕ್ಕೆ ಕೊಂಡೊಯ್ದರು. ಬಳಿಕ ಎದುರಾಳಿ ತಂಡ ಕೇವಲ 151 ರನ್ಗಳಿಗೆ ಆಲ್ಔಟ್ ಆಗಿ, ಝಲ್ಮಿ 70 ರನ್ಗಳ ಅದ್ಭುತ ಗೆಲುವು ಸಾಧಿಸಿ ಫೈನಲ್ಗೆ ಪ್ರವೇಶಿಸಿದೆ. ಮೇ 3ರಂದು ನಡೆಯಲಿರುವ ಫೈನಲ್ ಪಂದ್ಯಕ್ಕೆ ಇದೀಗ ಭಾರೀ ನಿರೀಕ್ಷೆ ಮೂಡಿದೆ.
ಈ ಶತಕ ಬಾಬರ್ ಆಝಮ್ಗೆ ನಾಯಕನಾಗಿ 9ನೇ ಟಿ20 ಶತಕವಾಗಿದ್ದು, ಫಾಫ್ ಡು ಪ್ಲೆಸಿಸ್ ಅವರ 8 ಶತಕಗಳ ದಾಖಲೆಯನ್ನು ಮೀರಿಸಿ ಹೊಸ ಇತಿಹಾಸ ನಿರ್ಮಿಸಿದ್ದಾರೆ. ಇದೇ ವೇಳೆ, ಒಂದೇ ದೇಶದಲ್ಲಿ ಅತಿ ಹೆಚ್ಚು ಟಿ20 ಶತಕಗಳ ಸಾಧನೆಯಲ್ಲಿ ವಿರಾಟ್ ಕೊಹ್ಲಿ ಹಾಗೂ ಅಭಿಷೇಕ್ ಶರ್ಮಾ ಅವರ 8 ಶತಕಗಳ ದಾಖಲೆಯನ್ನು ಬಾಬರ್ ಸರಿಗಟ್ಟಿದ್ದಾರೆ. ಪಿಎಸ್ಎಲ್ ಇತಿಹಾಸದಲ್ಲೇ ಇದು ಅವರ ನಾಲ್ಕನೇ ಶತಕವಾಗಿದ್ದು, ಉಸ್ಮಾನ್ ಖಾನ್ ಜೊತೆಗೂಡಿ ಗರಿಷ್ಠ ಶತಕಗಳ ದಾಖಲೆಯನ್ನು ಹಂಚಿಕೊಂಡಿದ್ದಾರೆ.
ಪಿಎಸ್ಎಲ್ 2026ರಲ್ಲಿ ಬಾಬರ್ ಈಗಾಗಲೇ 588 ರನ್ ಗಳಿಸಿ, ಒಂದು ಸೀಸನ್ನಲ್ಲಿ ಗರಿಷ್ಠ ರನ್ಗಳ ದಾಖಲೆಯನ್ನೂ ಸಮಬಲ ಮಾಡಿದ್ದಾರೆ. “ನನ್ನ ಆಟ ಮತ್ತೆ ಸರಿಯಾದ ದಾರಿಯಲ್ಲಿ ಸಾಗುತ್ತಿದೆ. ಸರಳತೆಯೊಂದಿಗೆ, ನನ್ನ ಕೌಶಲಗಳ ಮೇಲೆ ನಂಬಿಕೆ ಇಟ್ಟು ಆಟ ಆಡುತ್ತಿದ್ದೇನೆ. ಪಿಚ್ನ ಬೇಡಿಕೆ ಹಾಗೂ ಬೌಲರ್ಗಳ ವಿರುದ್ಧ ಹೇಗೆ ಆಡಬೇಕು ಎಂಬುದನ್ನು ಗಮನಿಸುತ್ತಿದ್ದೇನೆ. ಕಠಿಣ ಪರಿಶ್ರಮದ ಫಲ ಈಗ ಕಾಣುತ್ತಿದೆ,” ಎಂದು ಪಂದ್ಯದ ಬಳಿಕ ಬಾಬರ್ ಹೇಳಿದ್ದಾರೆ.
ಒಟ್ಟಿನಲ್ಲಿ, ಬಾಬರ್ ಆಝಮ್ ಅವರ ಸಿಡಿಲಾಟ ಪಿಎಸ್ಎಲ್ 2026ಗೆ ಹೊಸ ರಂಗು ತುಂಬಿದ್ದು, ಫೈನಲ್ಗೂ ಮುನ್ನ ಅವರ ಫಾರ್ಮ್ ಎದುರಾಳಿಗಳಿಗೆ ದೊಡ್ಡ ಎಚ್ಚರಿಕೆಯಾಗಿದೆ.
ಪ್ರಕಟಿಸಿದವರು ಬಿಗ್ ನ್ಯೂಸ್ 24/7 ಕನ್ನಡ ದಿನಾಂಕ 2026-04-29 16:47:16
