Shopping cart
Your cart empty!
ವಿಶ್ವವಿದ್ಯಾಲಯದ ಪ್ರಾಥಮಿಕ ಸಂಸ್ಕೃತ ಕಲಿಕಾ ಕೋರ್ಸ್ ಪ್ರಚಾರಕ್ಕಾಗಿ ಬಳಸಿದ್ದ ಒಂದು ಕಲಾಕೃತಿ ವಿವಾದಕ್ಕೆ ಕಾರಣವಾಗಿತ್ತು. ಈ ಚಿತ್ರವು ಸಂಸ್ಕೃತ ಮತ್ತು ಹಿಂದೂ ಧರ್ಮವನ್ನು ನಕಾರಾತ್ಮಕವಾಗಿ ಬಿಂಬಿಸುತ್ತಿದೆ ಎಂದು ಉತ್ತರ ಅಮೆರಿಕಾದ ಹಿಂದೂಗಳ ಒಕ್ಕೂಟ Coalition of Hindus of North America (CoHNA) ತೀವ್ರ ಆಕ್ರೋಶ ವ್ಯಕ್ತಪಡಿಸಿತು. ‘ಮಾಸ್ಟರ್ ಆಫ್ ಪಪೆಟ್ಸ್’ ಹೆಸರಿನ ಈ ಕಲಾಕೃತಿ Mahabharata ಹಾಗೂ Krishnaನ ರಾಸಲೀಲೆ ವಿಷಯಗಳನ್ನು ತಪ್ಪಾಗಿ ಚಿತ್ರಿಸಿದೆ ಎಂಬ ಆರೋಪ ಕೇಳಿಬಂದಿತ್ತು.
ವಿವಾದ ತೀವ್ರಗೊಂಡ ಹಿನ್ನೆಲೆ, Harvard University ದಕ್ಷಿಣ ಏಷ್ಯಾ ಅಧ್ಯಯನ ವಿಭಾಗವು ಅಧಿಕೃತವಾಗಿ ವಿಷಾದ ವ್ಯಕ್ತಪಡಿಸಿ ಕ್ಷಮೆಯಾಚಿಸಿದೆ. ಭವಿಷ್ಯದಲ್ಲಿ ಇಂತಹ ತಪ್ಪುಗಳು ಮರುಕಳಿಸದಂತೆ ಆಂತರಿಕ ಸಾಮಾಜಿಕ ಜಾಲತಾಣ ಪ್ರಕ್ರಿಯೆಗಳನ್ನು ಮರುಪರಿಶೀಲಿಸುವುದಾಗಿ ವಿಶ್ವವಿದ್ಯಾಲಯ ಭರವಸೆ ನೀಡಿದೆ. ಸಂಸ್ಕೃತ ಭಾಷೆಯ ಬೌದ್ಧಿಕ ಮತ್ತು ಸಾಂಸ್ಕೃತಿಕ ಪರಂಪರೆಗೆ ತಮ್ಮ ಬದ್ಧತೆ ಮುಂದುವರೆಯುತ್ತದೆ ಎಂದು ತಿಳಿಸಿದೆ.
ಇನ್ನೊಂದೆಡೆ, ತನ್ನ ವೆಬ್ಸೈಟ್ನಲ್ಲಿ ಸಂಸ್ಕೃತವನ್ನು ‘ದೇವಭಾಷೆ’ ಎಂದು ಕೊಂಡಾಡಿರುವ ಹಾರ್ವರ್ಡ್, ಕಳೆದ ಮೂರು ಸಹಸ್ರಮಾನಗಳಿಂದ ದಕ್ಷಿಣ ಏಷ್ಯಾದ ಸಂಸ್ಕೃತಿಜೀವನವನ್ನು ಈ ಭಾಷೆ ರೂಪಿಸಿದೆ ಎಂದು ಉಲ್ಲೇಖಿಸಿದೆ. Coalition of Hindus of North America ಕೂಡ ವಿಶ್ವವಿದ್ಯಾಲಯದ ಕ್ಷಮೆಯಾಚನೆಯನ್ನು ಸ್ವಾಗತಿಸಿ, ಪುರಾತನ ಭಾಷೆ ಮತ್ತು ಸಂಸ್ಕೃತಿಯ ಬಗ್ಗೆ ಗೌರವ ತೋರಿದ ಕ್ರಮವನ್ನು ಮೆಚ್ಚಿದೆ
ಪ್ರಕಟಿಸಿದವರು ಬಿಗ್ ನ್ಯೂಸ್ 24/7 ಕನ್ನಡ ದಿನಾಂಕ 2026-02-28 15:33:38
